السلام عليكم ورحمة الله وبركاته
هدو مسيمهات تيدوبو فالفم والمداق لايقاوم هههه
بلا منطول عليكم
المقادير
كاس زبدة دائبة
كاس ماء زهر
2 معالق كبار سنيدة
كيس فاني
قبصة ملح
الطحين حسب الخليط
العجين دغيا تيتجمع
غنحتاجو 250 غ ميزينة للتوراق
نقسمو العجين على 3 كورات ونغطيوه ونخليوه يرتاح مني يرتاح نسرحو العجين بالمدلك وتنرشو بالميزينة حتى تولي رقيقة ونعاودو نرشو ميزينة فالوسطونبداو نلويوها بشوية بشوية حتى نحصلو على عصية ونسدوها بالماء وندخلوها الفريزر تشد راسها نخرجو من الفريزر ونقطعوها الى قطع متوسكة الحجم ونبسطوها باليد على شكل ملوي ومتكونش رقيقة مني نساليو نديروهم يتقلاو نصفيوهم ونرشوهم بالعسل والزنجلان او كوكاو على حسب الرغبة نتنمى يعجبوكم
امراة مغربية مولوعة بكل مايتعلق بالطبخ وفنونه
محول الأكوادمحول الأكواد الإبتساماتالإبتسامات