السلام عليكم ورحمة الله وبركاته
اليوم درت بيتزا ساهلة بلا فرماج الي ماموجودش ليه الفرماج فالدار
يمكن لينا نعوضوه بالبيض
مقادير:
عجينة البيتزا
500غ فورص
معلقة صغيرة خميرة فورية
3معالق كبار زيت زيتون
الملح
معلقة صغيرة سنيدة
معلقة كبيرة حليب جاف
نلموها بماء دافي بلا دليك نجمعوها فبلاستيك غدائي ونخليوها تخمر من بعد نسرحوها على شكل دائري
ندهنها ب صلصة الطماطم ونتقبوها بالفورشيط او الشوكة
الحشوة على حسب الرغبة انا درت
البصل مشحر مع وراق موسى والملح والبزار نطيحوه مزيان
الكفتة مشحرة بنفس العطرية
الفلفل اخضر مقطع دوائر
نطربو 4 بيضات مع الملح والبزار ونخويوه على البيتزا
الفران يكون سخون مزيان وندخلو الطاوة طيب
وبالصحة والراحة
نتمنى تعجبكم الطريقة
امراة مغربية مولوعة بكل مايتعلق بالطبخ وفنونه
محول الأكوادمحول الأكواد الإبتساماتالإبتسامات